Белгискиот фудбалски интернационалец, Еден Азар, објави крај на професионалната кариера. Тој последните четири сезони ги мина во редовите на Реал Мадрид, но не се наигра и го доби епитетот за најголемо промашување на “кралскиот“ клуб. Во својата кариера настапуваше и за Лил и Челзи, а го носеше и дресот на репрезентацијата на Белгија.
– “Мора да се слушате себеси и да престанете кога е време. По 16 години и повеќе од 700 одиграни натпревари, решив да ја завршам кариерата како професионален фудбалер. Го остварив мојот сон, играв и се забавував на терените ширум светот. Во текот на мојата кариера запознав одлични менаџери, тренери и соиграчи. Ви благодарам на сите за прекрасното време, ќе ми недостигате. Сакам да им се заблагодарам и на клубовите за кои играв: Лил, Челзи и Реал Мадрид. Благодарност и до Фудбалскиот сојуз на Белгија и белгиската репрезентација. Посебна благодарност до моето семејство, пријателите, советниците и сите луѓе кои беа покрај мене во добри и лоши моменти. За крај, благодарност до вас, моите фанови, кои ме следеа сите овие години и ви благодарам што ме бодревте каде и да играв. Време е да уживате со саканите и да имате нови искуства. Се гледаме наскоро надвор од теренот, драги пријатели.“ – напиша Азар на социјалните мрежи.
