Тренерот на Баерн Минхен, Јулијан Нагелсман, предизвика многу реакции по изјавата дека предлага фудбалот да заличи на американскиот фудбал и НФЛ лигата, со тоа што играчите би имале микрофони и слушалки, за да може полесно да комуницираат со тренерите за време на натпреварите.
Според Нагелсман, со таа евентуална новина, тренерите би имале поголемо влијание.
„Фудбалот е традиционална игра, а американскиот фудбал е неверојатно напреден според. Квотербекот може на терен да добива совети од тренерот, и тоа нешто што и нам ни е потребно. Идеално би било играчите да носат микрофони за да може да разговараат со тренерот. Бучавата на стадионите е голема, нема никакви прекини во текот на средбата, и тренерите само на полувреме може да разговараат со играчите за тактиката“ – вели Нагелсман.
Сепак, тешко е да се очекува дека во догледно време може на фудбалски терен да има „озвучени“ фудбалери.