Карим Бензема изминативе сезони по заминувањето на Кристијано Роналдо, го предводи Реал Мадрид кон нови успеси. Иако откако Португалецот не е во тимот, фали успех во Лигата на шампионите, Реал е на добар пат во оваа сезона да дојде до таа титула, а веројатно Бензема да си ја осигура Златната топка.
Антонио Касано даде една навистина интересна изјава за италијанските медиуми за формата на Бензема и Роналдо во моментов.
„Кристијано Роналдо секое утро треба да станува и да му се заблагодарува на Бога што има играно со Карим Бензема. Ова што го прави тој по заминувањето на Португалецот, покажува дека е комплетен напаѓач, а Роналдо даваше голови и секогаш ќе биде тоа така, но погледнете само колку Бензема му има асистирано.
Тој е комплетен напаѓач, нешто што ретко се гледа во фудбалот. Кога беше Роналдо, му беше важно екипата да победува и да освојува трофеи, а сега покажува каков стрелец е тој“, изјави Касано.
Во досегашниот тек од сезоната, Бензема има 24 гола во Ла Лига, како и 11 во Лигата на шампионите, од кои шест се постигнати на последните два натпревари, против Челзи и ПСЖ.
