Голманот на Вардар, Филип Гачевски е оптимист и верува во успех против Работнички, во утрешното дерби од шестото коло во домашното првенство.
Вардар нема пораз по пет кола, но има мини-серија од два порази во меѓусебните мечеви со „романтичарите“.
„Градското дерби со Работнички секогаш е неизвесно. Ситни детаљи ќе одлучуваат, а треба максимално да се користат шансите. Мотивацијата во нашиот табор е максимална и верувам во нов добар резултат“, вели Гачевски.
Дербито ќе се игра утре, под рефлектори од 19 часот, а домаќин е Работнички на националната арена „Филип Втори“.
