Тренерот на Аталанта, Џанпјеро Гасперини, му се приклучи на колегата од Барселона, Кике Сетјен, како стручњаци кои сметаат дека новото правило за пет измени во текот на еден натпревар, не е добро. Ова привремено правило е со цел заштита за фудбалерите од преголеми напори и можни мускулни повреди.
„Игралите се гладни за играње, одвај чекаат да се вратат на терен. Техниката брзо може да се врати, играњето фудбал е како возење велосипед, не се заборава. Не сакам фудбал без навивачи, но тоа е единствениот начин да се вратиме на терен. За петте измени, мислам дека е лоша идеја. Фудбалот ќе стане како кошарка. Ова е исто како да ви дозволат да го менувате моторот на автомобилот среде трка. Се нарушува спектаклот. Кој е тој генијалец што тврди дека ова правило ќе спречи повреди?“ – вели Гасперини, кој призна дека бил болен од коронавирус кога ја водел Аталанта на мечот со Валенсија од Лигата на шампионите.
Гасперини даде интересен одговор и на прашањето дали Аталанта може да ја освои ЛШ, натпреварување во кое стигнаа до четвртфиналето и ќе го чекаат името на противникот?
„Ние нема да ја освоиме Лигата на шампионите, но не сум сигурен дека ќе биде така“ – рече Гасперини.
