Сопствениците на клубовите во Премиер лигата утре ќе имаат важен состанок на кој ќе се гласа за одлуката за евентуално скратување на сезоната. Ваквиот план е во опција ако се случи нешто слично како во неодамна завршената сезона, кога имаше неколкумесечен прекин поради пандемијата со корона-вирусот.
Во Премиер лигата сакаат однапред да се утврдат сите можни сценарија и планови за тоа што би се случило ако има нешто неочекувано. Плановите вклучуваат можност доколку има прекин, да нема испаѓање од лигата. Се очекува да биде даден и предлог дека ако се случи да има прекин, да биде прогласен и конечен пласман на табелата, доколку сите клубови имаат одиграно барем половина од сезонските дуели, односно по 19 натпревари.
EXCLUSIVE: Premier League clubs set to vote on curtailment plan if future seasons have to be abandoned | @MattHughesDM https://t.co/RniFtxkNJO
— MailOnline Sport (@MailSport) September 1, 2020
Детално се разгледува и планот за телевизиските преноси затоа што некои навивачи бараат поголем број преноси на нивните омилени клубови сè додека не се тргне забраната за влез на гледачите на стадионите.