Најуспешниот македонски олимпиец, таеквондистот Дејан Георгиевски продолжува со освојување нови медали. По сребрениот од ЛОИ во Токио, го освои сребрениот медал на Г2 турнирот во Софија.
Овој успех на Георгиевски е важен затоа што се освојуваат бодови како најава за Летните олимписки игри во Париз во 2024 година.
Во првите две кола, Георгиевски имаше две доминантни победи против Радаловиќ од Србија и Касанова од Шпанија, но во финалето, Георгиевски се здоби со мала повреда, па не успеа да се справи со Гарсија Мартинез од Шпанија. Во финалето, Шпанецот победи со 12:7, па за Георгиевски остана сребреното одличје.
