Фудбалерите на Унион Берлин славеа со минимални 0:1 на гостувањето кај Штутгарт во последниот натпревар од деветтото коло во Бундеслигата.
Со овој триумф продолжува фудбалската бајка на тимот од главниот град кој е лидер на табелата со 20 бода, два повеќе од второпласираниот Фрајбург и четири од актуелниот шампион Баерн Минхен.
Моментот на одлука се случи во 76 минута кога по корнерот на Гиселман, одлично скокна Пол Јекел и го совлада голманот на Штутгарт, Милер.
Триумфот во Штутгарт е идеална увертира пред наредното коло кога Унион Берлин на домашен терен ја пречекува Борусија Дортмунд, додека Баерн Минхен ќе игра против второпласираниот Фрајбург.
