Борусија Менхенгладбах на 24 февруари ќе мора да игра во Будимпешта како домаќин во првиот осминафинален меч против Манчестер, а причина е германската рестрикција за влез во земјата.
Поради законите кои важат во Германија поради ковид-19, експедицијата на Манчестер сити нема да може да престојува во Менхенгладбах и да игра на „Борусија парк“ без да остане во карантин, нешто што е невозможно.
Поради тоа, Борусија мораше да прифати на 24 февруари како домаќин да игра во Будимпешта, на „Пушкаш арената“.
Confirmed: Borussia Mönchengladbach’s home games against Manchester City FC moved to Puskás Aréna in Budapest on Feb 24 due to Germany’s travel restrictions
— Rob Harris (@RobHarris) February 8, 2021
Иста мака има и Атлетико Мадрид, па веројатно и тие ќе го пречекаат Челзи на неутрален терен, па веќе е потврдено дека мечот Лајпциг – Ливерпул наместо во Германија, ќе се игра во унгарската престолнина Будимпешта, а според романските медиуми, 90 проценти е сигурно дека Атлетико и Челзи силите ќе си ги одмерат во Букурешт.
Романската федерација дала дозвола тој меч на 23 февруари да се игра на најголемиот стадион во Романија. Тоа е стадионот на кој македонската репрезентација треба да дебитира на ЕП во јуни.
