Повеќе од еден месец не можеме да гледаме врвен фудбал, но утрово сепак ќе имаме можност да гледаме еден врвен фудбалер. Златан Ибрахимовиќ утрово во 10 часот ќе биде дел од тренингот на Хамерби во Шведска и порача „Ако сакате да гледате како изведувам магични потези, имате бесплатен стрим, од 10 часот ќе играм за Хамерби“.
Want to see me do magic? Watch me in action with @Hammarbyfotboll live and free on https://t.co/YBNbfkMGC9 tomorrow Friday at 10.00 CET. pic.twitter.com/o47GEtVGEU
— Zlatan Ibrahimović (@Ibra_official) April 23, 2020
Ибрахимовиќ е роден во Шведска, а од пред неколку месеци купи дел од акциите на Хамерби. Веќе одреден период Златан се врати во родната земја и тренира со екипата на Хамерби. Утринскиот тренинг на овој тим ќе се пренесува во живо на Dplay, а ќе има посебна „Златан камера“ која ќе ги следи само потезите на еден од најдобрите фубалери во светот во изминативе две децении.
Fredagens träning sänds av @Dplay_Sport – tre internmatcher kommer att spelas. Läs mer här: https://t.co/SvG2zBuQEy#Bajen pic.twitter.com/zeBuwMdh04
— Hammarby Fotboll (@Hammarbyfotboll) April 23, 2020
Тренинг-мечот ќе биде меѓу два тима од играчи на три различни клуба: Хамерби, Бајанс и ИК Фреј. Ова ќе биде само тренинг-дуел, но фактот дека на теренот ќе биде Златан Ибрахимовиќ, ќе го направи посебен, посебно ако се знае дека повеќе од еден месец не може да се гледа врвен фудбал.
Во Шведска нема посебни ригорозни рестрикции во живеењето и корона-вирусот го прифатија како некоја болест која треба да помине без да се стопира нормалното живеење.
