Една по малку несекојдневна и бизарна ситуација се случи на дуелот меѓу Триндаде и Фламенго во Купот за младинци. Играчот на домаќините, Бернардо се пожали на повреда во 20-тата минута, па на теренот мораше да влезе и специјалното возило наменето за лекарите на фудбалскиот терен.
Сепак, наместо веднаш да добие помош, Бернардо дополнително почувствува болка откако возачот на количката без многу да внимава, го прегази по ногата фудбалерот кој се жалеше на повреда. За среќа, тоа не беше многу сериозно, па Бернардо по укажаната лекарска помош, се врати на теренот.
