Кајл Вокер не запира со глупости во услови кога во Англија сè уште е вистински хаос со пандемијата со корона-вирус, а бекот на Манчестер сити има неколку престапи.
Најпрво си организираше журка со проститутки во својот стан во услови на полициски час, а потоа замина на журка кај неговата сестра во Јоркшир. И не застана тука, па си ја продолжи низата возејќи велосипед исто така во забрането време за движење, а сите глупости што ги направи во кус рок ги зачини со уште еден престап, посетувајќи ги родителите во Шефилд.
И сега обвинува дека за него медиумите организираат „Лов на вештерки“ и го напаѓаат без причина.
„Доста молчев. Ова е лов на вештерки. Морав да одам кај мојата сестра и родителите, кои минуваат низ тежок период. Дали тоа е причина да го валкате моето име. Вирусот и карантинот влијаат на моето ментално здравје. Секој различно реагира во вакви моменти, но тоа не е причина да ми се уништува животот на ваков начин“, изјави Вокер.
Во февруари 2013 година, според зборовите на Горан Попов, Вокер го испровоцирал на мечот меѓу Вест Бромич албион и Тотенхем, клуб за кој тогаш играше англискиот репрезентативец, па поранешниот наш ас плукна во правец на ривалот.
Потоа Попов беше ставен на столбот на срамот во Англија и набрзо следната година ја заврши англиската авантура.
Според изјавата на нашиот поранешен репрезентативец, Вокер го навредил со зборовите „Ти си македонска пи*ка“, по што Попов плукна во правецот на ривалот и беше исклучен.
Сега, 7 години подоцна Вокер е под бараж од сериозни критики и е во фокусот во периодот кога не се игра фудбал и за малку повеќе од 50-тина дена успеа дури четирипати да биде фатен како не го почитува карантинот.
