Српскиот тенисер Новак Ѓоковиќ по јубилеен 10-ти пат се пласира во полуфиналето на Отвореното првенство на Австралија откако без многу мака го елиминира Андреј Рубљов. Досега секогаш кога Ѓоковиќ ќе се пласирал во полуфиналето на гренслемот во Мелбурн, на крајот се радувал и на трофејот.
Ако се гледаат сите четири гренслем-турнири, за Новак ова е 44-то полуфинале во највредните тениски турнири во светот. Во ерата на модерниот тенис, Роџер Федерер е рекордер со 46 учества во полуфинале на гренслем-турнир. Пензионираниот Швајцарец стигна до таа бројка која долго време делуваше како недостижна, но Ѓоковиќ со своите игри покажува дека е реална закана за овој рекорд на Федерер.
На вечната листа на тенисери со најмногу учества во полуфиналето, трет е Рафаел Надал со 38 полуфиналиња, а во Топ 5 се уште и Џими Конорс со 31 учество во полуфиналињата и Иван Лендл, кој 28 пати бил меѓу најдобрите четворица тенисери на гренслем-турнир.
Доколку Ѓоковиќ добие дозвола за настап на Отвореното првенство на САД оваа година и ако Србинот продолжи во оваа форма како досега, можно е и на следните три гренслем-турнири во 2023 година да игра во полуфинале, што би значело и рушење на рекордот на Федерер.
Most Grand Slam men’s singles semi-final appearances:
46: Roger Federer
44: NOVAK DJOKOVIC
38: Rafael Nadal
31: Jimmy Connors
28: Ivan Lendl@DjokerNole is getting ever closer to Federer’s record!#AusOpen @AustralianOpen
pic.twitter.com/CpcrPcdXcO— Tennis TV (@TennisTV) January 25, 2023
