Денеска се играа многу пријателски натпревари, дел како загревање за настапот на репрезентациите на Мундијалот во Катар, дел како тест за можностите пред квалификациските дуели идната година за континенталните првенства, а голот на денот падна во Скопје.
За жал, не го даде Македонија, туку Финците по брилијантната акција во првото полувреме.
Едноставно, во три потези нѐ матираа во 37-мата минута, а целата акција беше убава. Дебитантот Анси Сухонен мајсторски одигра со петица до искусниот Џоел Похјанпало, а овој со навремен пас го исфрли сам на бришан простор Оливер Антман.
И напаѓачот на Нордсјиланд реагираше мајсторски и на интересен начин ја протна топката во мрежата, па Столе Димитриевски беше немоќен.
Suhonen➡️Pohjanpalo➡️Antman⚽️
Aivan mahtava hyökkäys Suomelta ja Oliver Antman pistää pallon samettisella tuikkauksella reppuun!💯#Huuhkajat pic.twitter.com/TD7Q6llRwJ
— Viaplay Urheilu (@ViaplayUrheilu) November 17, 2022
Мечот заврши нерешено 1:1, а Македонија повторно ќе игра на 20 ноември и пак во Скопје, сега против Азербејџан во 14 часот.