Оман го победи Јемен со 3:2 во меч од Гулф Купот, а во центарот на вниманието беше голманот на Јемен, Али Абас. Овој голман доби шанса да дебитира за репрезентацијата на Јемен и нема по добро да го памти првиот настап.
Само по две минути игра, Абас си постигна автогол, но Јемен потоа успеа да даде два гола и да победи со 2:1. Сепак, во 37-мата минута повторно киксираше голманот дебитант. По еден слободен удар на Оман, Абас несмасно реагираше и буквално сам ја внесе топката во сопствената мрежа.
🎥 | هدددددف!⚽
منتخب عمان 🇴🇲 يسجل هدف التعادل عن طريق أرشد العلويعمان 2- 2 اليمن #عمان_اليمن | #خليجي_25
#الرياضية_السعودية pic.twitter.com/0eXChX8BT2— القنوات الرياضية السعودية (@riyadiyatv) January 9, 2023
Веднаш по овој гол, голманот побара да биде заменет и изваден од игра. Соиграчите се обидоа да му дадат поддршка на голманот кој беше директен виновник за двата гола. Во 45-тата минута Оман имаше пенал за 3:2, но Ал Алави шутираше високо над голот, па тоа беше една позитивна работа за голманот Абас, кој не прими гол од белата точка.
На полувремето Абас сепак беше заменет, а Оман во вториот дел постигна уште еден гол и стигна до победа од 3:2.