Фудбалерот Густаво Ерера напушти натпревар во Панама предвреме и го обвини својот соиграч и репрезентативен голман Хозе Калдерон, кој ја смести топката во својата мрежа во 90-тата минута, дека го наместил натпреварот помеѓу Алијанса и Спортинг Сан Мигелито со резултат 3-2.
„Љубовта кон фудбалот е во срцето, но многумина ја изгубиле. Зборувам по име, Хозе Калдерон е местач на натпревари, а има уште многу други. Тие не се срамат, тие го ставаат тоа на виделина… Секој гледа играч со многу искуство, кој некогаш ја претставувал земјата, вмешан во оваа глупост. Дали тоа е примерот што го дава за помладата генерација?“, обвини Ерера на социјалните мрежи.
Панамската фудбалска лига отвори формална истрага за сериозниот инцидент што се случи за време на натпреварот кој го загрози интегритетот на натпреварувањето.
Калдерон кој има 44 настапи за Панама, а беше дел и од селекцијата на Светското првенство во 2018 година, одговори на сериозните обвинувања на Ерера.
„Се случи несреќна акција што резултираше со автогол. Им изразувам искрено извинување на моите соиграчи, тренерскиот персонал, семејството и навивачите… целосно преземајќи ја одговорноста за строго спортска и ненамерна грешка. Категорично го отфрлам секој обид да се поврзе оваа игра со однесување спротивно на интегритетот на спортот. Го задржувам правото да преземам соодветни правни мерки против секое лице или субјект кое, преку лажни или неосновани изјави, се обидува да ја наруши мојата чест и углед“, порача Калдерон.
Sucedió en Panamá.
En el duelo entre Alianza FC vs Sporting San Miguelito, jugada sobre los 90′ y partido empatado; el Portero José Calderón hace esto y 3-2.
Ex mundialista y figura, ahora señalado por apuestas deportivas.
¿AMAÑO?pic.twitter.com/GlD0FVijOQ
— Fernando Esquivel (@fer_esquivel22) May 3, 2026
