За само 10 минути во второто полувреме, Ливерпул со двата гола на Садио Мане стигна до сигурна предност во дербито против Челзи на „Стемфорд Бриџ“. Гостите беа подобри и во првите 45 минути, но Челзи успеа да издржи на 0:0.
Сепак, во последната минута од првиот дел, Кристенсен доби директен црвен картон и домаќините останаа со играч помалку, па Ливерпул тоа знаеше да го искористи.
Мане најпрво погоди со глава во 50 минута, а само четири минути подоцна истиот играч го искористи киксот на домашниот голман и погоди за 2:0.
Голманот Кепа Аризабалага кој е најскапоплатен во историјата на фудбалот едноставно му ја подари топката на противникот, а Мане таквите ситуации ги казнува со погодок.
Тренерот на Челзи, Франк Лампард веќе подолго време најавува дека ќе го смени Кепа од голманската позиција, а по оваа грешка речиси е сигурно дека Шпанецот на следниот меч ќе биде на клупата за резерви.
