Дербито во Втората лига Запад меѓу Генч Калемлер и лидерот Лабуништа заврши без голови, по што гостите стигнаа до десетка без пораз. Успаеја да одолеат на нападите на домаќините кои играат во Гостивар, а токму против овој ривал во септември со победа од 1-0 ја почнаа убавата серија без пораз, која денеска стаса до 10 натпревари.
Лабуништа остана лидер на табелата со 24 бодови, два повеќе од Струга Трим Лум, но и со меч повеќе.
На Истокот, лидерот Борец лесно го совлада Партизан од Обршани со 2-0 и се зацвртси на врвот со 31 бод по 11 одиграни натпревари. Велешани заедно со Тиквеш се единствените непоразени екипи во двете втори лиги.
Кожув рутински и убедливо со 4-0 ја победи Саса и со 22 бода се израмни на третата позиција со Брегалница и со Кит-Го Пехчево, но со меч повеќе.
