Роман Грожан, пилотот во Формула 1, се чувствува многу подобро и добро се рехабилитира по страотната несреќа која ја имаше на неделната трка во Бахреин, кога неговиот болид се преполови и се запали. Грожан со завои е пуштен на домашно лекување, но состојбата му е подобрена. Французинот од тимот „Хас“ со среќна низа на околности се спаси од потешки повреди и изгореници.
Грожан објави фотографија од неговата десна рака замотана во завој.
„Ова е мојата десна рака утрово. Кога слушнав дека не мора да носам бандаж и дека можам да ги користам прстите, среќата беше неизмерно голема. Голема победа на патот кон оздравувањето“, напиша Грожан, кој останува во Бахреин.
