Владата на Грција одлучи во следните два месеца, до 12 февруари 2024, сите фудбалски натпревари во земјата да се играат без присуство на публика, а ќе нема публика и на некои од мечевите од европските купови.
Причина за ваквата одлука е инцидентот на одбојкарски меч во Атина, кога тешко беше повреден полицаец и заврши во кома.
Публика нема да смее да има ни на второлигашки мечеви, на коишто играат вторите тимови на ПАОК, АЕК, Олимпијакос и Панатинаикос.
Прв меч без публика ќе биде оној на Олимпијакос и ТСЦ Бачка Топола од Лигата на Европа кој се игра в четврток. За дуелите Панатинаикос – Макаби Хаифа и ПАОК – Хелсинки дозволено е присуство на публика.
Претходно, и фудбалските судии најавија бојкот на мечевите од грчката Суперлига бидејќи не се чувствуваат безбедни.
