Чешка приреди голема сензација во последното финале на квалификациските турнири за настап на Летните олимписки игри во Токио и со убедлива победа од 97:72 против Грција си обезбеди настап на кошаркарскиот турнир по 41 година пауза.
Ова е само еден во низата сензационални исходи, по кој освен Грција, без олимписка виза останаа и Србија, Канада, Хрватска, Турција, Бразил…
Грците беа фаворити против Чешка, но избраниците на Ронен Гинзбург со перфектен меч потврдија дека не беше случајна победата во полуфиналето против првиот фаворит Канада.
Чешка најави дека ќе оди на олимпискиот турнир уште по првата четвртина што ја доби со 32:22. Грците потоа намалија само na 4 поени во финишот на првото полувреме, но им се случи комплетен дебакл во третиот период.
Предводени од Патрик Ауда, кој беше најефикасен на мечот со 20 поени Чесите го декласираа ривалот со 31:11 и водеа пред стартот на последниот период со недостижни 81:54.
https://www.youtube.com/watch?v=2PYchfsExLU
Јан Весели беше одличен со 16 поени и 9 скока, а Чесите приредија огромно изненадување и ги оставија Грците без олимписка виза за Токио.
Како награда Чешка ќе има можност во првата фаза да игра со дрим-тимот на САД во А групата, заедно уште и со Франција и Иран.
Groups for Men's Basketball at the Olympics:
Group A
USA
Czech Republic
France
IranGroup B
Australia
Germany
Italy
NigeriaGroup C
Argentina
Japan
Slovenia
SpainTop-2 finishers from each group and the two-best 3rd place finishers advance to the tournament phase.
— Keith Smith (@KeithSmithNBA) July 5, 2021
Претходно и Италија приреди изненадување со триумф против Србија од 102:95 на турнирот во Белград, а на Олимпијадата во Токио од 23 јули до 8 август ќе играат и Германија, по триумфот од 75:64 против Бразил со Сплит, и Словенија, која на домашен терен ја победи Литванија со 96:85.
