Домаќинот Канада, потоа Швајцарија и Босна и Херцеговина како претставници на Европа, и аутсајдерот Катар, ја сочинуваат групата Б во која можни се секакви изненадувања и може да биде една од најнеизвесните на Светското првенство.
Во оваа група нема селекции кои биле светски прваци и ова се тимови за кои и четвртфинале на СП 2026 би било голем успех.
Канада има солиден напад со Џонатан Дејвид и Кајл Ларин, но главна ѕвезда им е Алфонсо Дејвис, кој се мачи со повреди. Да се играше првенството во зима, веројатно ќе имаа поголеми шанси да стигнат далеку, вака ќе треба да се помачат за прво или за второ место во групата. Ова им е второ учество по ред на Мундијалите, играа и во 2022. Во првото коло на 12 јуни, во Торонто, Канада игра со БиХ и тој меч може да го најави расплетот во групата.
Улогата на фаворит во групата Б ја има Швајцарија, која и според рејтингот на ФИФА-листата е најгоре. Швајцарците се тим кој често знаел пријатно да изненадува кога ги потценувале, па треба да се види како ќе се снајдат во улога на фаворити во ова друштво.
Тие редовно учествуваат на најголемите натпреварувања во последните 20-тина години, имаат искуство, солидно се покриени на сите позиции, а лидер им е Гранит Џака, кој има 33 години. Најдалеку што стигнале им е четвртфинале, последен пат во далечната 1954, кога беа домаќини.
Босанците во баражот ја победија Италија и треба да покажат дека не случајно се на СП, по вторпат во нивната историја (учествуваа и во 2014) и ќе пробаат првпат да ја минат групата и да влезат во нокаут-фазата. Може да сметаат на поддршка од трибините од своите сонародници кои ги има во голем број во Северна Америка. На Един Џеко ова ќе му биде последен Мундијал, а се очекува блесок на Демировиќ и младите ѕвезди како Алајбеговиќ и Бајрактаревиќ.
Катар беше домаќин на претходното СП и не се прослави на дебито, ги загуби сите три меча. И сега немаат некој којнае колку квалитетен состав, најпознато име им е селекторот Хулен Лопетеги, па за нив секој освоен бод ќе биде успех. Квотите во Sport Life потврдуваат дека од Катар не се очекува да влезе во 16-финалето, туку да си оди дома по три одиграни натпревари.
