Барселона е заинтересирана за Португалецот Бернардо Силва од Манчестер сити, но на Каталонците нема да им биде лесно да го ангажираат, поради големите барања на Граѓаните, кои не сакаат да се разделат со своето крило.
Менаџерот на Сити и легенда на Барселона, Пеп Гвардиола, изјави дека Бернардо в среда на 24 август ќе заигра на „Камп ноу“ во Барселона, но во дресот на Манчестер сити, на пријателскиот хуманитарен меч помеѓу англискиот првак и Каталонците.
„В среда ќе го видите како игра во Барселона, сигурно. Ама ќе биде во дресот на Манчестер сити. Го сакам Бернардо, тој ми е слабост, сакам да остане кај нас“, изјави Гвардиола.
