Манчестер сити со 2:1 славеше на гостувањето кај Астон вила, па актуелниот првак ја задржа втората позиција во првенството со 32 бода, само еден помалку од лидерот Челзи.
Дијас и Бернардо Силва уште во првото полувреме дадоа голови за гостите и ги решија дилемите околу победникот, а домаќините во второто полувреме постигнаа еден погодок, што не беше доволен да ја скрати радоста на Граѓаните.
Оваа победа има посебно значење за тренерот на Сити, Пеп Гвардиола, кој стана менаџерот кој најбрзо стигнал до 150 победи во Премиер лигата. На шпанскиот стратег потребни му беа само 204 натпревари за да стигне до 150 триумфи, со што го надмина рекордот на легендарниот Сер Алекс Фергусон.
На Фергусон му беа потребни 247 средби за да стигне до 150 победи, што значи дека на Гвардиола за да го сруши овој рекорд кој траеше повеќе од 25 години, му беа потребни 43 средби помалку.
150 – Pep Guardiola tonight earned his 150th Premier League win at Man City – only the fourth manager to reach this total for a club. After just 204 games, this beats Sir Alex Ferguson’s record at Man Utd, who celebrated his 150th win in his 247th match. Mastermind. pic.twitter.com/FAQvccT740
— OptaJoe (@OptaJoe) December 1, 2021