Баерн Минхен и Манчестер сити играат 0:0 по првото полувреме на „Алијанц арената“, во реванш-мечот од четвртфиналето во Лигата на шампионите. Овој резултат многу повеќе им одговара на гостите, кои на првата средба славеа убедливо со 3:0.
Сити можеше да има предност и на гостувањето во Минхен, но Ерлинг Халанд промаши пенал во 37-мата минута. Голгетерот на Граѓаните шутираше силно, но и високо над голот, па ова беше негов трет промашен пенал во кариерата, во која има погодено повеќе од 30 удари од белата точка.
Во Милано, Интер и Бенфика играат 1:1, резултат што секако многу повеќе им одговара на домаќините затоа што Нераѕурите на гости победија со 2:0, што значи засега имаат вкупна предност од 3:1.
Интер прв се израдува на „Џузепе Меаца“ кога во 14-тата минута погоди Барела за 1:0. Бенфика израмни на 1:1 во 38-мата минута преку Аурснес, со што португалскиот тим ги задржа минималните шанси дека може да направи чудо на гостувањето.