Луис Хамилтон е победник на атрактивната ноќна трка во Сингапур на „Марина Беј“ и со новиот триумф е многу блиску до нова титула во Формула 1.
Британецот тргна од пол-позицијата и успеа да ја задржи до крајот, па сега има цели 40 бодови предност пред Себастијан Фетел на шест трки до крајот на шампионатот.
За Хамилтон ова е четврта победа во Сингапур и тој е на прагот на петтата титула во кариерата. Како второпласиран со околу 8 секунди задоцнување трката ја заврши Марк Ферстапен, а зад него е главниот ривал на Хамилтон, Себастијан Фетел.
Германецот имаше и пех се судри на патеката со Перез и загуби доста време, па мораше да се задоволи со третата позиција.
Бодови освоија и Ботас на четвртото место, потоа и Раиконен, Рикардо, Алонсо, Саинц, Леклерк и Хулкенберг.
