Во Реал Мадрид се случуваат сериозни турбуленции откако денес се појави нов скандал поврзан со наводен физички конфликт меѓу Орелиен Чуамени и Феде Валверде, при што, според извештаите, Валверде завршил во болница.
Во Мадрид владее хаотична атмосфера. Се тврди дека тензиите меѓу фудбалерите ескалирале уште на вчерашниот тренинг, а денес ситуацијата дополнително се влошила.
Според „Марка“, Чуамени и Валверде повторно влегле во физичка пресметка, по првичниот инцидент од претходниот ден.
„Орелиен Чуамени и Феде Валверде повторно се тепаа денес. Вчера имаше конфликт, но денес ситуацијата беше многу посериозна“, се наведува во извештаите, при што се додава дека уругвајскиот играч бил пренесен во болница.
Се наведува и дека во клубот итно бил свикан состанок поради сериозноста на инцидентот, а дел од соиграчите морале да интервенираат за да ја смират ситуацијата.
„Атмосферата во клубот е крајно тензична, постојат внатрешни поделби и ситуацијата изгледа далеку од стабилна“, пишуваат шпанските медиуми.
Навивачите на Реал се шокирани од развојот на настаните, а на социјалните мрежи растат незадоволството и критиките кон раководството на клубот.
Се очекува официјална реакција од клубот, како и можни дисциплински мерки против инволвираните играчи, додека ситуацијата во соблекувалната се опишува како сериозно нарушена.
