Кај Хаверц блескаше во првото полувреме и со два гола му донесе предност на Баер Леверкузен против Вердер од 2:1, а потоа се разиграа и неговите соиграчи, па Мајкл Вајзер и Керем Демирбај ги разрешија сите дилеми околу победникот.
Баер славеше со 4:1 на „Везер“ во Бремен и ги продолжи надежите за титулата во Бундеслигата. Екстраталентираниот напаѓач Кај Хаверц со два прецизни удари со глава во 28-мата и во 33-тата минута најави победа на фаворитот, што во второто полувреме ја потврдија Вајзер и Демирбај.
The game bursts into life with 3 goals in 5 minutes! Kai Havertz restores @bayer04_en's lead with his 2nd!#beINBundesliga #SVWB04 pic.twitter.com/qFBabEfy7q
— beIN SPORTS (@beINSPORTS_EN) May 18, 2020
Вердер имаше сили само за почесен погодок во 30-тата минута, а стрелец за домаќините беше Гебре Селасие. Со новиот неуспех тимот од Бремен ја продолжи црната серија од седум меча без победа, односно немаат триумф од јануари.
Тие останаа на претпоследното место само со 18 бода и по единствениот меч што се играше во понеделник, во вечерен термин од 20.30 часот, во првото коло во Бундеслигата по пауза од два месеци.
Баер остана на петтото место со 50 бода, но му се приближи на Лајпциг само на еден бод разлика. Баерн е лидер на 8 кола до крајот со 58 бода, пред Борусија Дортмунд со 54, а нивните имењаци од Менхенгладбах имаат 52 на третата позиција.