Интересна ситуација се случи на последниот меч на Милвоки бакс во регуларниот дел од сезоната, а Џру Холидеј, бекот на шампионот, ги одигра највредните 8 секунди во историјата на НБА-лигата.
Тежат 306 илјади долари, како бонус за одиграни 67 натпревари во сезоната. Холидеј беше стартер на Милвоки на дуелот што Бакс го загубија од Кливленд со 133:115 и само по 8 секунди направи фаул и излезе од терен.
Доволни му беа само тие 8 секунди за да го исполни делот од договорот со Милвоки, кој предвидува бонус од 306 илјади долари за 67 одиграни 67 во регуларниот дел од сезоната, а на Холидеј токму дуелот ноќеска му беше 67-ми.
Jrue Holiday started for the Bucks today so he could reach 67 games played and secure a $306,000 bonus 💰
Holiday played eight seconds before committing a foul and heading to the bench pic.twitter.com/131ivz1q6l
— Bleacher Report (@BleacherReport) April 10, 2022
Сега ќе одмори со соиграчите до 16 април кога почнува плејофот. Милвоки ќе ја почне одбраната на титулата против Чикаго булс, а првиот меч се игра на 18 април и Бакс ќе имаат предност на домашен терен.
