Бекот на Голден Стејт вориорс, Стеф Кари, учествуваше во верижен судир на три автомобили, а за среќа тој остана неповреден, за разлика од неговото „Порше“ кое е прилично оштетено. После инцидентот, Кари сепак безбедно стигна со тренинг центарот.
Сообраќајката се случила на автопатот надвор од Оукленд. Еден човек со автомобил од марката „Лексус“, ја загубил контролата и се удрил во ѕид, а одбивајќи се, го закачил Поршето на Кари. Потоа автомобилот на Кари бил удрен и од задната страна од трета кола.
Кошаркарот се обрати на Твитер, заблагодарувајќи му се на Господ и на фановите.
„Не треба да потсетувам, но цело време Господ е голем, и Господ е голем цело време. Ги ценам сите ваши пораки кои ми ги испративте како поддршка“ – напиша Кари кој поради повреда на препоните, не играше на натпреварот со Портланд кои „воините“ го добија.
Погледнете видео од местото на настанот:
