Арон Палмарсон е прогласен за играч на мечот во големата победа на Исланд против актуелниот светски првак Данска и признанието апсолутно го заслужи, но голем јунак на сензацијата на денот на ЕП 2020 е пикерот Кари Кристјан Кристјансон.
Во моментите кога се кршеше резултатот, 35-годишниот пивот на Исланд се одлучи за ризичен потег, што испадна и најатрактивен момент на мечот. Кари погоди со шрауба и му донесе предност на аутсајдерот од 29:27 во 52. минута од мечот, а потоа Данците не успеаја да израмнат до крајот и загубија со 30:31.
Who needs eyes to see where the goal is? Not @HSI_Iceland's 🇮🇸 Kari Kristjan Kristjansson! 😶#ehfeuro2020 #dreamwinremember pic.twitter.com/0DjEMnOclm
— EHF EURO (@EHFEURO) January 11, 2020
Ова е голема победа на Исланд, а потегот на Кристјансон сигурно ќе конкурира за нај-гол во вториот ден од Европското првенство што го организираат Австрија, Шведска и Норвешка.