Уште едно првенство во светот на фудбалот нема да продолжи, а се откажаа Мексикнаците, па популарната Класура доживеа предвремен крај поради пандемијата со Ковид-19.
Популарната МХ лига во Мексико беше прекината во март по 10 одиграни рунди, а останаа да се доиграат уште 7 кола, плус плејофот, но сега е дефинитивно јасно дека сезоната е предвреме завршена, без да се прогласи шампион.
Во првенствата на Јужна и на Средна Америка најчесто се играат две фази, популарните Апертура и Класура, но овојпат стандардниот возен ред го наруши опасниот вирус.
На одлуката на мексиканската фудбалска федерација и претходеа тестирањата на прволигашите на Ковид-19 и случајот со 12 заразени играчи на Сантош Лагуна пред три дена само ја забрза одлуката да не се доигра шампионатот.
Одредено е Круз Азул и Леон како две првопласирани екипи да настапат во Лигата на шампионите на Конкакаф зоната.
