Монпелје конечно успеа да стаса до првата победа сезонава во Лигата на шампионите, а прва „жртва“ е екипата на нашиот репрезентативец Филип Талески, Рајн-Некар.
Францускиот тим беше убедлив и славеше со 31:26. Мелвин Ричардсон и Мишел Гигу постигнаа по 7 гола за победничката екипа, која го дели последното место во групата во која игра и нашиот првак Вардар.
За гостите од Германија играше и Талески и постигна два погодоци од три обиди. Со него во Рајн-Некар играат и Илија Абутовиќ, неодамнешен член на Вардар, и Владан Липовина, ексракометар на Металург.
Најефикасен ракометар кај гостите беше Џери Толбринг со шест голови.