Златан Ибрахимовиќ пред неколку месеци наполни 41 година, но не најавува дека размислува да стави крај на фудбалската кариера. Легендарниот шведски напаѓач во изминативе 12 месеци има одиграно само 10 меча и ниту еднаш на теренот не помина повеќе од 30 минути.
Откако заработи потешка повреда на коленото на крајот од минатата сезона, Ибрахимовиќ речиси осум месеци е надвор од теренот, а неговите фанови со нетрпение го очекуваат враќањето во дресот на Милан.
Во изминативе неколку месеци, Ибрахимовиќ на своите социјални мрежи објавуваше видеа на кои покажуваше како напорно работи во сала за вежбање и ги засилува мускулите. Денеска Ибрахимовиќ и официјално се пофали дека почнува да работи и со топка.
Засега нема официјални прогнози кога голгетерот би можел да биде подготвен да се врати на теренот, но некои прогнози се дека би бил во составот за дуелите од Лигата на шампионите. Росонерите во осминафиналето на елитното европско друштво за противник го има англискиот Тотенхем.
⏳⚽️😏 @Ibra_official pic.twitter.com/J8Fw15WCNO
— MilanNews.it (@MilanNewsit) January 24, 2023
