Златан Ибрахимовиќ 40 години и 48 дена стана најстариот фудбалер во историјата на Серија A кој што успеал да постигна два погодоци на еден меч.
Легендарниот напаѓач тоа го стори на мечот меѓу Милан и Фиорентина, во кој неговиот тим загуби со 4:3.
Воедно, ова за Росоњерите беше прв пораз сезонава во Серија А.
Швеѓанецот, погоди во 62. и 67. минута, а претходно Фиорентина постигна три погодоци.
Како што пишувавме од претходно, првиот дојде по катастрофалната реакција на голманот Татарушану.
А во последните секунди од првото полувреме, Рикардо Сапонара зголеми на 2:0.
Во вториот дел, Душан Влаховиќ дополнително зголеми, но, токму Ибра со двата гола ја врати неизвесноста.
Сепак, српскиот репрезентативец уште еднаш ја затресе мрежата на Милан.
Конечните 4:3 беа поставени во 96. минута со автоголот на Лоренцо Вентули.
Милан остана на бројката од 32 бода, колку што има и Наполи, кој утре ќе гостува кај актуелниот првак Интер.
40 – Zlatan Ibrahimovic has become the oldest player ever to have scored 2+ goals in a Serie A game and the first 40-year-old player to have scored 2+ goals in a match in the big-5 European leagues in the 2000s (40 years, 48 days). Infinity.#FiorentinaMilan pic.twitter.com/vbUY0I6FMo
— OptaPaolo 🏆 (@OptaPaolo) November 20, 2021