Лидерот во Серија А, Милан ја одигра можеби и најслабата партија во досегашниот тек од првенството.
Росоњерите ремизираа со 1:1 на гостувањето кај Удинезе, но, одиграа разочарувачки меч, бидејќи упатија само еден удар кон голот на противникот и тоа во 92. минута кога преку Златан Ибрахимовиќ успеаја да израмнат.
Швеѓанецот стана третиот фудбалер по Кристијано Роналдо и Лионел Меси кој што дал над 300 погодоци во Топ-5 лигите
Иако на теренот истрчаа со најдоброто што го имаат, екипата од Милано се посрамоти а голот за Удинезе го постигна Бето во 17-та минута.
По погодокот на Милан, имаше инциденти на теренот а главниот судија му додели и црвен картон на Ајзак Суксес во 96. минута поради неспортско однесување.
Илија Несторовски беше на клупата и на оваа средба, а неговиот тим, пак стигна до 17. бод со што дојде на 15-то место.
Милан, пак, ја зголеми предноста пред Интер на два бода повеќе, но градскиот ривал има и натпревар помалку.
300 – Zlatan #Ibrahimovic has become the third player able of scoring 300 goals in the big-5 European leagues since 1/1/2000, after Cristiano Ronaldo (483) and Lionel Messi (475). Infinity.#UdineseMilan #SerieA pic.twitter.com/dpo6qQLmkD
— OptaPaolo 🏆 (@OptaPaolo) December 11, 2021
