Екипата на Филаделфија 76 се пласира во плејофот на НБА-лигата откако во драматичен меч со 105:104 го победи Мајами. Џоел Ембид беше предводникот на „76-ките“ со 23 поени и 15 скока, а одличен беше и Никлас Батум со 20 поени.
На 40 секунди до крајот беше 96:96, кога домаќините погодија „два плус еден“, а потоа во следниот напад имаа одлична одбрана и блокираа удар за три поени. Во финишот Филаделфија им донесе радост на своите навивачи.
Philly gets the #SoFiPlayIn win ‼️@sixers – 105@MiamiHEAT – 104
PHI secures the #7 seed and faces NYK on Saturday in the #NBAPlayoffs presented by Google Pixel 🍿 pic.twitter.com/kFIKZkJQsC
— NBA (@NBA) April 18, 2024
Историска ноќ беше ова за плејмејкерот на Чикаго, Коби Вајт, кој блесна за победа на неговиот тим против Аталанта од 131:116. Вајт направи подвиг кој во редовите на Чикаго не е виден уште од времето на легендарниот Мајкл Џордан.
Вајт постигна 42 поени, а имаше и девет скока, шест асистенции и две украдени топки и ниту една загубена топка за 43 минути поминати на паркетот.
Coby White put up a GAME-HIGH 42 PTS to propel the @chicagobulls to the win!
🔥 42 PTS
🔥 9 REB
🔥 6 AST
🔥 2 STL
🔥 0 TOBulls advance to face the @MiamiHEAT for the #8 seed in the East on Friday at 7pm/et on ESPN! pic.twitter.com/VBcSFk6Vb1
— NBA (@NBA) April 18, 2024
Меч со над 40 дадени поени, барем пет скока, пет асистенции и ниту една изгубена топка во историјата на Чикаго досега имал само Џордан.
Со оваа победа Чикаго се избори за меч против Мајами и тоа ќе биде борба за последната осма позиција која води во плејофот, додека за Атланта сезоната заврши. Филаделфија ќе стартува како седма и во првото коло за противник ќе игра против Њујорк.
Подобриот од дуелот Мајами – Чикаго ќе вкрсти со најдобриот тим на Истокот, а тоа е Бостон селтикс.