Енди Робертсон ги разби сите илузии на УЕФА дека ќе се извлече за лошата организација на финалето во Лигата на шампионите со обид да се префрли вината на навивачите на Ливерпул за хаосот што се случуваше пред „Стад Де Франс“ во Париз.
УЕФА објави дека стотици навивачи на англискиот клуб имале лажни карти за финалето, но сведочењето на бекот на Ливерпул е несоборливо и поткрепено со факти.
Негови роднини и членови на семејството не можеле да влезат на „Стад Де Франс“, а биле вратени наводно поради фалсификат билети, но картите им ги дал Робертсон, а ги добил од клубот преку УЕФА, како што и следува за секој играч во финалето.
"J'en veux pour preuve le témoignage de Robertson, le joueur de Liverpool, qui a offert des billets officiels à des proches. Une fois aux tourniquets, on leur a dit que ces billets étaient des faux", a rappelé Pierre Barthélémy #AFP
— Agence France-Presse (@afpfr) May 31, 2022
Лиеверпул загуби со 0:1 од Реал Мадрид, а стотици навивачи на англискиот клуб не можеа да влезат.
Потфрли комплетно организацијата на УЕФА, па пред стадионот бече хаотично и за среќа без жртви.
Навивачите на англискиот тим беа прскани со солзавец, има видеоматеријали каде што ги покажуваат своите валидни билети, но не можеа да влезат на стадионот.
УЕФА најави независна истрага што ќе ја води поранешен португалски пратеник, но сега прашање е дали по сведочењето на Робертсон ќе се обиде да се извлече од одговорноста, или ќе ја признае вината.
