Фудбалерот на Милан Алексис Салемакерс во досегашниот дел од сезоната постигна еден погодок, но на крајот од сезоната може на неговото салдо да стои „нула“. Како е тоа можно?
Белгискиот интернационалец погоди во победата на Милан од 2:0 против Салернитана, и тоа на меч одигран пред неполни две недели. Салернитана е најслабиот тим во Серија А и се очекува да испадне, но тоа може да се случи и пред крајот на сезоната.
На Салернитана ѝ се заканува исфрлање од Серија А, па доколку тоа се случи, нивните досегашни резултати ќе бидат поништени и сите 38 натпревари ќе бидат регистрирани со службени победи на противниците од 3:0.
Во еден таков случај, голот на Салемакерс ќе биде поништен, а ако играчот од средниот ред не постигне друг гол, на неговото салдо ќе стои нула.