Тотенхем потврди дека се раздели со Жозе Мурињо по двегодишна соработка, а интересно е што Специјалниот, на некој начин, нема среќа кога ќе ја посети Македонија.
Веднаш следната година добива отказ, а тоа му се случи со Манчестер јунајтед во 2018 година и сега со Тотенхем.
Во август 2017 година Специјалниот за првпат дојде во нашата земја како кормилар на Манчестер јунајтед за мечот со Реал Мадрид во Суперкупот на Европа.
Црвените ѓаволи загубија во Скопје со 1:2 од Кралскиот клуб, кој стана победник на Суперкупот и го освои пехарот.
Во декември следната година доби отказ од Манчестер јунајтед, откако во 17 кола во Премиер лигата победи само 7 пати и заостануваше за 19 бода зад лидерот на табелата.
Во Скопје и Македонија Португалецот повторно дојде лани во септември, на меч со Шкендија во квалификациите за настап во Лигата на Европа. Овојпат се радуваше на победа од 3:1, но само неполни 7 месеци подоцна, односно денеска, доби отказ од челниците на Спарс.
The Club can today announce that Jose Mourinho and his coaching staff Joao Sacramento, Nuno Santos, Carlos Lalin and Giovanni Cerra have been relieved of their duties.#THFC ⚪️ #COYS
— Tottenham Hotspur (@SpursOfficial) April 19, 2021
Неофицијално, овојпат Мурињо добил отказ поради одлуката што ја донел како протест против формирањето на Суперлигата. Португалецот не сакал да се одржи денешниот тренинг на играчите на Спарс бидејќи е против идејата Тотенхем да учествува во Суперлигата.
Tottenham sacked Jose Mourinho after an explosive morning where he refused to take the squad onto the training ground over the club’s proposed European Super League admission. pic.twitter.com/EiXHGVDny2
— Theo (@Thogden) April 19, 2021
