Идната среда јуниорите на Хајдук ќе го играат најважниот меч во кариерата против Атлетико Мадрид во 1/16-финалето во Лигата на шампионите, а за билет за влез на „Пољуд“ се чека ред.
Денеска е првиот ден од продажбата на влезници за мечот од Лигата на шампионите за играчи до 19 години, а веќе се продадени 3 илјади билети.
Капацитетот на „Пољуд“ поради пандемијата со ковид-19 е намален на 40 отсто, односно ќе може да има околу 12.000 публика на сплитскиот стадион и се очекува експресно да бидат продадени сите билети.
Популарната навивачка група „Торцида“ најави присуство на мечот и спектакл како поддршка на младите фудбалери на Хајдук.
Хајдук на патот до 1/16-финалето ја елиминираше Шкендија со две победи, 3:1 на домашен терен и 2:0 на гости.
