Црвена ѕвезда повторно потврди дека ѝ лежи играта на Армани Милано и по петти пат во исто толку меѓусебни дуели во Евролигата го победи италијанскиот тим.
Вечерва во „Медиоланум форум“ пред околу 9 илјади гледачи гостите од Белград беа подобри и славеа со 77:67, оставајќи го тимот на Армани Милано без победа во меѓусебните дуели.
По првото полувреме домаќините имаа предност од 40:39, но беа слаби во третиот период, кога постигнаа само 10 поени за десет минути, па го загубија мечот.
.@Zo_Brown can pass a basketball very very well 😎#7DAYSMagicMoment pic.twitter.com/qEt8HZC8Ag
— Turkish Airlines EuroLeague (@EuroLeague) December 5, 2019
Кај Црвена ѕвезда повторно одличен настап имаше Лоренцо Браун, кој беше и најдобар стрелец на мечот со 21 поен. Били Берон постигна 17 поени, а српскиот првак ја забележа третата победа по ред, вкупно петта во 12 меча сезонава во Евролигата.
Кај Милано, кој влета во криза со три порази по ред, само Серхио Родригес со 15 поени имаше двоцифрен учинок.
.@Zo_Brown finds James Gist for an unbelievable Alley-Oop finish! #7DAYSMagicMoment pic.twitter.com/xJKgJaQ09m
— Turkish Airlines EuroLeague (@EuroLeague) December 5, 2019
Италијанскиот тим има 7 победи и пет порази.
