Минесота тимбервулфс ја прекина серијата од 13 порази едноподруго во НБА лигата, триумфирајќи против Лос Анџелес клиперс со 142-115, и тоа благодарение на клупскиот рекорд по број на постигнати тројки. Шумските волци погодија дури 26 тројки, десет различни играчи погодија по тројка, а имаа сезонски рекорд од 39 асистенции.
Американците си правеа шеги на сметка на Минесота, после 13-тиот пораз велеа дека можеби тимот сака да врзе 24 порази едноподруго, во чест на Коби Брајант. Но, тие му дадоа 81 поен на Клиперс во првото полувреме, што е неславен сезонски рекорд на тимот од Лос Анџелес.
Данџело Расел си замина, но во реновираниот тим на сцена стапија Малик Бисли со прв дабл-дабл во кариерата и Џордан Меклафлин со 24 поени, што е негов личен рекорд. Карл Ентони Таунс за една асистенција не направи трипл-дабл.
Торонто репторс славеше со 119-118 против Бруклин нетс, и постави клупски рекорд од 14 победи по ред. Нетс губи на последните десет гостувања во Канада.
Погледнете го шутерското шоу на Минесота:
The @Timberwolves knock down a franchise-record 26 threes while shooting an efficient 59.1% from downtown in the win! pic.twitter.com/Q0TSt0gNAy
— NBA (@NBA) February 9, 2020
