Чиро Имобиле изби на врвот на листата на најдобри стрелци во историјата на Лацио.
Одличниот напаѓач со голот против Олимпик Марсеј стигна до бројката од 160 и има еден повеќе од легендата на клубот Силвио Пиола. Тој ја затресе мрежата на францускиот тим во 49-тата минута, во мечот кој заврши 2:2
Домаќините поведоа со голот од пенал на Аркадјуш Милик (33′), а длабоко во судиското продолжение од првиот дел погоди Фелипе Андерсон за израмнување.
Конечниот резултат беше дело на Димтри Паје во 82-рата минута. Лацио сега стигна до бројката од седум бода во групата „Е“ и има три помалку од лидерот Галатасарај.
На натпреварите од 21:00 часот, видени се неверјатни 28 погодоци, односно по 3,6 во просек. Најефикасно беше во Португалија, каде што Брага со 4:2 го победи Лудогорец.
Црвена ѕвезда, пак, изгуби на домашен терен против Митјиланд со 1:0 и со тоа значително си ја закомплицира работата во групата „Ф“.
Милош Дегенек направи глупост и доби црвен картон, а кобната вечер за домаќините ја заокружи и автоголот на Гејлор Канга.
Динамо Загреб со 3:1 славеше над Рапид Виена, а на вечерашната средба одиграа без двајцата македонски репрезентативци. Стефан Ристовски беше на клупата, додека Аријан Адеми е повреден.
ЛИГА НА ЕВРОПА
РЕЗУЛТАТИ
Антверп – Фенербахче 0:3
Баер Леверкузен – Бетис 4:0
Брага – Лудогорец 4:2
Црвена Звезда – Митјиланд 0:1
Динамо Загреб – Рапид Виена 3:1
Ференцварош – Селтик 2:3
Лестер – Спартак Москва 1:1
Олимпик Марсеј – Лацио 2:2
160 – Ciro #Immobile (160) has scored more goals than any other Lazio’s player in all competitions (Silvio Piola 159). Eagle.#MarseilleLazio #UEL pic.twitter.com/u99vvWeukJ
— OptaPaolo 🏆 (@OptaPaolo) November 4, 2021
