Италијански „Тутоспорт“ објави дека Интер му предложил на Арсенал интересна размена на напаѓачи. Во Лондон би заминал Мауро Икарди, кој сезонава игра како позајмен во ПСЖ, а дресот на клубот од Милано би го облекол Пјер-Емерик Обамејанг.
Аргентинецот и Габонецот имаат слична цена, а Икарди е три години помлад. Икарди во ПСЖ сезонава имаше 20 гола и четири асистенции на 31 меч, но и покрај тоа, не го сакаат назад во тимот на Интер, каде што беше и капитен до лани. Договорот на Икарди со Интер е до летото 2021 година, а интерес за него има и од Јувентус.
Интер повторно е во потрага по напаѓач, кој би му бил партнер на Ромелу Лукаку и би се осигуриле во случај Лаутаро Мартинес да премине во Барселона.