Романецот Кристијан Киву доби доверба од раководството на Интер и клупските легенди, и нема сомнение дека тој ќе биде на клупата на актуелниот лидер во Серија А и следната сезона. Се подготвува обнова на договорот, кој му истекува во јуни 2027 година.
Впечатокот што го остави Киву во својата дебитантска сезона на чело на Интер е позитивен, иако Нераѕурите прерано испаднаа од Лигата на шампионите.
Прстот е вперен кон играчите, а не кон тренерот. Интер одлучи да ја зајакне позицијата на Киву, кој се смета за инспиративен избор од сите аспекти: технички, тактички и менаџерски. Тој успеа да го подигне моралот на тимот трауматизиран по ланското финале на ЛШ против ПСЖ и да го врати на врвот на Серија А.
Како што кажа Федерико Димарко, „да ни беше кажано во август дека ќе водиме со седум бода предност на десет кола до крајот, немаше да веруваме во тоа“.
