Новинарите на англискиот спортски портал „GiveMeSport“ се обидоа да состават репрезентација од 11 фудбалери што доаѓаат од просторите на поранешна Југославија и во идеалниот тим нема ниту еден македонски репрезентативец.
Модерната Југославија би била исклучително силна репрезентација и според новинарите на порталот и еден од фаворитите за титули на големите натпреварувања.
Составот е од пет хрватски, четири српски, еден црногорски и еден репрезентативец на Словенија.
Ниту еден играч не е вклучен од селеккциите на Македонија, БиХ и Косово.
Голман е Јан Облак од Словенија, дефанзивци се Миленковиќ од Србија, Савиќ од Црна Гора и Гвардиол од Хрватска.
Во средниот ред одбраната петорка ја сочинуваат Хрватите, Модриќ, Брозовиќ, Перишиќ и Ковачиќ, со Тадиќ од Србија.
Полушпиц е Милинковиќ-Савиќ од Србија, а класичен напаѓач е неговиот сонародник Душан Влаховиќ.
