Лацио вечерва гостува кај Клуж во Романија, во првото коло од групната фаза од Лигата на Европа. Освен Клуж, во оваа група противници на Лацио ќе му бидат и Рен и Селтик. Тренерот на римскиот тим, Симоне Инѕаги, се жали дека Лацио е во многу тешка група.
„Ова е многу тешка група. Повеќе е на нивото на Лигата на шампионите отколку на Лигата на Европа. Селтик и Клуж беа во квалификациите од ЛШ, а Рен го освои францускиот Суперкуп и игра многу добро. Ова не е воопшто добро за нас“, вели Инѕаги, кој потоа се задржа на анализа на денешниот ривал. „Клуж е цврста екипа. Агресивни се и имаат добар тренер, а тоа е Дан Петреску. Ќе има многу важни дуели на секој дел од теренот. Ако треба да одберам играч на кој посебно треба да внимаваме, тоа е Билел Омрани“, додаде Инѕаги.
Дуелот Клуж – Лацио се игра во 18:55 часот. За комплетната понуда за обложување на сите мечеви од Лигата на Европа, проверете на Sport Life.
