Симоне Инзаги има голема заслуга што Лацио се наметна како конкурент за шампионската титула во Серија А. Затоа управата ќе го награди италијанскиот стратег со нов договор според кој ќе се задржи на клупата до јуни 2023 година. Инзаги добива и поголеми примања, ќе инкасира три милиони евра по сезона плус одредени бонуси.
Веќе четири години Инзаги ги предводи Лацијалите и оваа сезона неговата екипа е сериозен конкурент на Јувентус за Скудетото. Пред да се прекине сезоната поради пандемијата со корона-вирусот, Лацио заостануваше само еден бод зад Бјанконерите, кои се на врвот на табелата со 63 бода по 26 меча.
Откако ќе се добие точниот датум за рестартирањето на сезоната, Лацио со сигурност ќе го нападне тронот со цел да стави крај на доминацијата на Старата дама.
✅ Deal done: Simone #Inzaghi rinnova fino al 2023. Contratto da 3 milioni di euro a stagione + bonus pic.twitter.com/KLdjWX645j
— Daniele Longo (@86_longo) May 20, 2020
