Целата иранска фудбалска репрезентација доби американски визи за учество на Светското првенство, чии домаќини се САД, заедно со Мексико и Канада, соопшти Белата куќа.
Иранците кои се во Групата Г со Белгија, Египет и Нов Зеланд, добија пристап до територијата на САД само 10 дена пред нивниот прв натпревар во Лос Анџелес.
Амбасадорот на Иран во Мексико, Аболфазл Пасандидех, синоќа изјави дека неговите сонародници во националниот фудбалски тим сè уште не добиле визи, но денеска и тоа се случи.
Иранците ја променија базата на тимот, наместо во американската држава Аризона, тие се во градот Тихуана, Мексико, поради проблеми со визите и растечкото јавно мислење во Иран дека присуството на тимот на американска почва треба да се минимизира.
Тимот ќе биде сместен во Мексико, а ќе лета со „Иран ер“ на секој натпревар што ќе се одржува на американските стадиони.
Првиот натпревар на Иран на распоредот е на 15 јуни во Лос Анџелес против Нов Зеланд. Натпреварот против Белгија е во истата американска метропола, а натпреварот против Египет е исто така на американска почва – во Сиетл.
Ова е првото Светско првенство во историјата на кое земја домаќин е домаќин на екипа од земја со која е во војна.
